الرئيسية > كود سبور > الطريق تقادات لزياش باش يرجع للمنتخب.. غير إلى مابغاش
12/08/2022 14:00 كود سبور

الطريق تقادات لزياش باش يرجع للمنتخب.. غير إلى مابغاش

الطريق تقادات لزياش باش يرجع للمنتخب.. غير إلى مابغاش

كود سبور//

تنبأ الإعلام الهولندي بالعودة ديال الدولي المغربي حكيم زياش للمنتخب الوطني المغربي بعد الرحيل ديال الناخب الوطني وحيد خاليلوزيش، ولي صبح من الماضي ديال أسود الأطلس من بعدما تمت الإقالة ديالو اليوم الخميس.

الإعلام الهولندي ما فوتش الفرصة ديال انفصال الجامعة الملكية المغربية لكرة القدم عن وحيد خاليلوزيش، كيشوف أن الفرصة صبحات قائمة أمام حكيم زياش نجم تشيلسي الانجليزي باش يرجع المنتخب الوطني المغربي بعدما كان علن الاعتزال ديالو الدولي بسبب الخلاف مع خاليلوزيش.

جريدة “PAROOL” الهولندية تفاعلت مع إقالة خاليلوزيش، وقالت أن الرحيل ديالو كيقاد الطريق لحكيم زياش باش يرجع للمنتخب الوطني المغربي، ويشارك مع أسود الأطلس فكأس العالم المقبل لي غيتلعب بقطر.

الجريدة نفسها قالت أن من بين أسباب الإقالة ديال وحيد خاليلوزيش، هو الاستبعاد ديال حكيم زياش من المنتخب الوطني المغربي وأيضا الابعاد ديالو للاعبين آخرين فحال نصير المزراوي اللاعب لي كان فأياكس الهولندي وانتقل البايرن ميونخ الألماني وهي أمور لعبت دور فرحيل المدرب “البوسني الفرنسي” خاليلوزيش على المنتخب ديال المغرب.

للإشارة فالجمهور المغربي ينتظر إعلان الجامعة الملكية المغربية لكرة القدم على المدرب الجديد ديال المنتخب الوطني المغربي، ولي غالبا غيكون وليد الركراكي، وكتنتظر أيضا الرجوع ديال مجموعة من اللاعبين لي كان مبعدهم وحيد خاليلوزيش كحكيم زياش وعبد الرزاق حمد الله وفتح صفحة جديدة تكون فيها مصلحة المنتخب هي الأولى.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه