نجوى المالحي – كود //

اشنو دارت سعاد حسن في حياتها الفنية باش تختار تنوض تشير على كل الفنانين، حتى واحد ما عاجبها وكلشي صوتو ماشي في المستوى، وهي كلها ما عندها حتى أغنية في رصيدها.

سعاد حسن لّي تشهرت بالصدفة بفيديو تصور ليها وهي كتغني اغاني فنانة لخراين، من نهار تعرفات وهي كتسب، ما خلات الصويري لّي شارك معاها في “ذا فويس”، ما خلات سلمى رشيد.. كلشي صوتو خايب، غير هي لّي صوتها زوين.

سعاد حسن اختارت هاد المرة تسب أميمة باعزية، وقالت في لقاء صحافي أنه مستحيل تغني أغنية طربية، حيت هي عونية وتشهرات ب”عطيه العصير” وصافي.

سعاد حسن لي زعما كبيرة ومن المفروض تكون ناضجة، بالعكس، دايرة راسها في النخالة حتى كينقبها الدجاج، وهادشي لّي وقع مع باعزية لّي جاوبتها خرجات فيها طول وعرض، وقالت: انا اي واحد واخا يكون قل مني كنحتارمو وكنبغيه. وا سعاد حسن وديري شي اغنية ديالك وباراكا من اغاني اجنبية من الشرق او اغاني مغربية قديمة

https://www.instagram.com/p/CKPZ9ekMWWM/?igshid=2sgu1hta45uq

https://www.instagram.com/p/CKQ2qU-HnIf/?igshid=1lit3ibqvbin8