كريم الصوفي – كود//
[email protected]

ذكرت تقارير إخبارية، أن عناصر الأمن بالصويرة تدخلو الاحد الفايت بشاطىء الديابات بعد تلقيهم اخبارية عن قيام 3 سائحات بخلع ملابسهن والتعري بشكل كامل من أجل أخذ حكم شمس بالشاطىء، مما تسبب في حالة استياء لدى العديد من المواطنين، الذين طلبوا منهم باش يلبسو حوايجهم ويحترمو القانون اللي كيمنع التعري في أماكن عامة.

السائحات دخلو في نقاش مع اللي تزايدو معاهم في الهضرة وشرحو ليهم أن هاذ الشي اللي عملو حق طبيعي غير موجه لأي شخص وفي احترام تام لمعتقد الآخر وهاذ الشي عادي عندهم في أوروبا وأنهم حيدو حوايجهم باش ياخذو حمام شمس في بلاصة خاوية ما فيها حد.

السائحات رفضو باش يلبسو حوايجهم وحتا مني جاو البوليس وطلبو منهم نفس الشي عاوتاني رفضو بشكل قاطع. البوليس ما لقاو ما يديرو طبقو القانون وقاموا بتوقيف السائحات واحتواء الموقف باش متطورش الأمور..

هاذ الثقافة ديال العومان بلاحوايج ف الشواطىء والتعري الكامل من اجل أخذ حمامات شمس منتشرة في أوروبا بشكل كبير  خصوصا في شواطئ مافيهاش ناس بزاف وماكينش أطفال..وعندهم الدنيا هانية وحتا واحد ما كيتسوق للآخر والأكثر من ذلك بحال الصبليون مثلا فيها 9 شواطئ في مخصصة للعراة وبلدان أوروبية كثيرة عبر العالم كتسمح للناس بالتعري في السواحل الصخرية إلى بحار المدن الكبرى.