نجوى المالحي-كود//
الفيديو كليب ديال المغني كيمز المستقر في المغرب داير صداع كبير بعدما بان هو والمغني “مالوما” صايكين”جيت سكي” في صهريج المنارة.
شي معلقين قالو لا، وعلاش وكيفاش وامتى؟ يمكن معرفوش أن الفيديو كليب لي شاد الطوندونس في بزاف ديال البلدان العالمية داير اشهار لمراكش لي ماكينش لي مكيحماقش عليها، ولي مكيعرفهاش غادي يعرفها دابا.
الاغنية داروها جوج مغنيين عالميين وعندهم ملايين المتابعين وأغاني مالوما كيوصلو امليار ديال المشاهدات.
استغلال الصهريج عندو هدف سياحي والصداع والهضرة في هاد الحالات معندو فايدة.
