كود – كازا ///

مثل الصحفي رشيد مباركي، مؤخرا، قدام لجنة تحقيق ف البرلمان الفرنسي، للادلاء بشهادته حول التدخلات السياسية والاقتصادية والمالية للكيانات الأجنبية داخل فرنسا، بناءا على ملابسات القضية ديالو، اللي اتهم فيها بتمرير معطيات وتقارير بفائدة جهات خارجية.

ونفى المذيع السابق لقناة “BFM TV”، رشيد مباركي، تلقيه الفلوس من السلطات المغربية، مضيفا ان المغرب بلاد عندها سيادة وما كتسناش فيه باش يدافع عليها ويأخذ تعويضات مالية. كما قال رشيد مباركي، أن النطق بعبارة الصحراء المغربية كتبقى عادية، بحال عدد من الشخصيات السياسية، وعطا مثال بالمستشار النمساوي اللي زار المغرب وتكلم على الصحراء المغربية.

وف فبراير الفايت، جرات قناة “BFMTV” التلفزيونية الفرنسية، على الصحفي الفرنسي من اصول مغربية رشيد مباركي، بسباب شكوك حول “وجود تأثير خارجي على المواد الإخبارية اللي كيقدمها بلا خبار المسؤولين فالقناة ومحتمل يكون دار هادشي لحساب حكومات اجنبية”.

وأكد تحقيق دارتو مجموعة دولية كضم 100 صحافي “Forbidden Stories”،، أن القضية اللي استهدفت مقدم البرامج في شبكة “بي اف ام تي في” رشيد مباركي المتهم بالخضوع لتأثير خارجي مرتبطة بمشروع ضخم للتضليل كتديرو شركة إسرائيلية مسمية راسها “فريق خورخي” (Team Jorge).