كود الرباط//

ردا على تهديدات الناطق الرسمي باسم الحكومة حسن عبيابة، لي جا ف التعديل الحكومي ف ظروف خاصة تواطء  فيها بنعرفة، عبر الزملاء الصحفيين عن استنكارهم الشديد تجاه “لغة الوعيد” والتهديد لي جاب بها عبيابة.

الصحفيين ممسوقينش لهضرة عبيابة وسخروا منها وضحكو عليه، وكاين لي قال ليه بلي راك كاضيع وقتك وصافي.

منير ابو المعالي، سكرتير تحرير جريدة “أخبار اليوم”، قال في تدوينة على الفايسبوك :”مثل أي مجنون بالعظمة، بات الوزير حسن عبيابة مهووسا بسلطته حد الهلوسة. ليس فقط بتهديده للصحافيين بأنه لا ينسى الإساءة، التي يفسر بها هو على ما يبدو، أي عملية نقد لعمله، وإنما لتلويحه بالشروع في صياغة قانون لضبط النشر على الفايسبوك- بالنسبة للصحافيين على الخصوص- ببساطة، يمكن لعقل عبيابة أن يبدع ما يشاء، لكن ليس من عقل الدولة أن تسايره في منطقه”.

باقي التدوينات لي كتعبر على الرفض لهاد التصريحات الغبية لواحد جايبينو يقتل التواصل الحكومي راها في الصور اسفله.

عبيابة ماشي كفاءة وفق اكثر من وزير هضرات معه “كود”، السيد استاذ جامعي اييه ولكن ماشي ديال هاد المسؤولية الثقيلة.

كان غير ف ديك اللجنة ديال المجتمع المدني، وكولشي كيقول عليه ثقيل وماشي ديال مسؤليات، كيفاش جابو بنعرفو باتفاق أو بلا اتفاق مع قادة الاتحاد الدستوري.

شوهة كبيرة، حتى القنوات الدولية والصحف الدولية ومراسلين ديالها كيقاطعو مهزلة المجلس الحكومي.