كود القاهرة//

غيغيب محمد الشناوي لكول ديال الأهلي المصري على ذهاب فينال عصبة أبطال إفريقيا اما الوداد الرياضي، غدا الأحد فتيران القاهرة الدولي.

وما حضرش محمد الشناوي للحصة التدريبية الأخيرة ديال الأهلي المصري اليوم فتيران القاهرة الدولي، وباين أنه مازال ما واجدش بسبب الإصابة اللي عندو، وبالمقابل شارك كل من علي لطفي حارس المرمى الثاني ومصطفى شوبير الحارس الثالث.

وكيختتم الأهلي المصري فهاد اللحظات التداريب ديالو، وممكن يأثر عليه غياب محمد الشناوي فماتش كبير بحال الفينال مع الوداد الرياضي حيث الحارسين الثاني والثالث ما عندهمش التجربة ديالو.