جمال بناصر – كود//

حتى المدارس ما بقاوش يوقروهم الشفارة… على الأقل هاذشي اللي نقدرو نفهمو من هادشي الي وقع لمدرسة “تزاخت” الابتدائية التابعة للمديرية الإقليمية للتربية الوطنية بتنغير اللي تعرضت، هاذ السيمانة، لعملية سرقة.

و في انتظار ما يسالي لونكيط ديال الجدارمية، معرفة شكون مول هاذ الفعلة، قالت مصادر محلية أن الشفارة هرسوا القفل ديال باب القاعة متعددة الوسائط و هزو منها سبعة حواسيب محمولة، كانت المؤسسة توصلت بيهم من جمعية فرنسية في إطار  شراكة مع جمعية آباء وأمهات وأولياء التلاميذ.