18/04/2024 12:00
سكوب. بلا قانون بلا تشريع. الطاشرونات جمعوهم فعمالة باش يعطيو نسبة علي كل عملية بيع. البناي الخياطي كيورط ف”جهات عليا” وكيهدد اللي رفض ب”ليست نوار”
وكالات //
جوج من البوليس فميريكان عوض يديرو خدمتهم بقاو لاعبين الـ”پوكيمون”، وخلاو الشفارة يديرو ما بغاو وسط واحد المحل. هادشي وقع فشهر أبريل 2017.
ودبا خسرو استئناف الطعن فقرار الطرد اللي صدر فحقهوم بعدما ما داروش خدمتهم لوقيتة اللي كانت أنونص فالراديو بللي شفارة مسلحين دخلو على محل فـ2017 بسبب أنهم كانو مشغولين بلعبة الـ”پوكيمون”.
لويس لوزانو وإريك ميتشل كانو كيدورو وسط شوارع لوس أنجلوس وكيقلبو على الـ”پوكيمون” الافتراضي فتلفوناتهم، وفنفس الوقت تواصلو معاهم البوليس من الپوسط باش يتدخلو فبراكاج ديال محل، لكن هاد البوليس ماتسوقوش ودارو راسهم ماسمعوش لانونص وبقاو مقصرين.
هاد جوج دالبوليس تحاكمو بارتكاب انتهاكات وأخطاء فوقت السربيس، واعتارفو بأنهم ماجاوبوش على طلب المساعدة فالبراكاج اللي وقع، لكن نكرو أنهم كانو كيلعبو الـ”پوكيمون”.
