نجوى المالحي-كود//
من بعد غياب دام 3 أشهر، رجعات الراقصة نور لحسابها على أنستكَرام، وبررات الغياب ديالها بالتضامن مع الناس المحتاجين لي لقاو راسهم بين ليلة ونهار گالسين من خداميهم بسبب الفيروس ديال كورونا.
نور نشرات ستوريات في أنستكَرام وقالت للمتتبعين ديالها لي بيهم أكثر من 300 واحد، بكونها ما بغاتش تبقا تشارك موائد رمضان، واللبس والماكياج ديالها باش ما يحسوش الناس لي تأثرو بالجايحة بأي نقص.
نور قالت للمتتبعين ديالها: “أنا وحدة منكم، وقفت گاع الإعلانات من أجلكم.. ولكن دابا غادي نرجع للحياة ولمواقع التواصل الاجتماعي لي كنلقاكم فيهم”.
وشكرات نور المتتعبين ديالها لي سولو فيها وغرقوها مساجات طيلة الفترة ديال 3 أشهر دالغبرا.