نجوى المالحي-كود//

الشطاحة مايا قررات أن أي واحد غادي يعاريها ولا يسبها ملي تكون لايف في انستكَرام غادي تشوهو وتواجهو فاص.

البارح وملي كانت دايرة لايف كيدخلو شي رجال كيوصفوها بالعاهرة ويقولو ليها كلام جارح، وهي اختارت تسيفط ليهم دعوة ويطلعو معاها في لايف ويتناقشو معاها بكل حرية ويشرحو ليها علاش كيسبوها.

المثير أن 4 من الناس لي عايروها رفضو يتواجهو معاها ومجاوبوش على الاتصالات ديالها، زيد عليها أنها بمجرد ما ذكرات الاسم لي داخلين بيه في انستكَرام خرجو من اللايف وهربو.

وقالت مايا أن هادشي لي كيوقع مؤسف، وأن الناس كيختارو يتخباو مورا الشاشة باش يسبو واحد متكيعرفوهش ومابينو وبينهم حتى علاقة.