نجوى المالحي – كود //
الشطاحة مايا كتسكت حتى تسكت وتخرج تعور ليها العين.
فاطمة الزهراء المعروفة في مواقع التواصل بلقب مايا دارت لايف على حسابها في انستكَرام نصحات فيه الرجال المغاربة، وقالت ليهم: عفاكم الا ما ضربو سكينجبير والخرقوم وحتى الفياگرا من الصيدلية باش تكونو قد المسؤولية، في اشارة ليها لممارسة الجنس.
واضافت مايا: كتحرمو عيالاتكم وكتخليهم يعانيو، راه ماشي عيب تضربو الدوا سواء الطبيعي ولا من الصيدلية ولا حتى زعزع المهم تكونو مزيانين.
الشطاحة مايا حسبات راسها طبيب وسيكسولوگ ودخلات في شبوقات بعاد عليها، ونصحات الناس تاخد دوا قاصح بحال الفياگرا لي يمكن يضر في القلب او في بلايص اخرى..
وها ي ماشي اول مرة هاد السيدة كتخرج من نطاق الترفيه في مواقع التواصل والضحك والنشاط، وكدوز لكل ما هو اجتماعي وصحي وغيرو وكتبدا تنظر بحالا عندها الاجازات والدكتورات في الضومين!
