أخنوش يشيد بحصيلة ميراوي فالتعليم العالي: إصلاحات كبيرة تنجزات فعامين ونص منها إحداث 63 مركزا للتميز و6 مدن للابتكار و3 مدن أخرى فطور الإنجاز بـ200 مليون درهم
كريم الشركي-كود///
نشرت صحيفة لاراثون الاسبانية، مقال رأي لكاتبه احمد الشرعي الناشر المغربي والمالك لمجموعة من وسائل الاعلام.
المقال كيهضر على الاشكالية الكونية ديال الهجرة، واللي كتعرفها القارات الخمس، وعطى فبداية المقال استشهاد بمثال محاربة ترامب لاهجرة ملي بغى يسد على امريكا الجنوبية بحيط، وملي جا بايدن بدل هاد السياسة، وخلا النائبة ديالو كامالا هاريس هي لي تشد هاد الملف.
وقال الشرعي أن هادشي غايعطي الشرعية لطريقة معالجة الملف بكا أن هاريس كتنتمي للاقليات.
الشرعي نتاقل من الاشكالية الدولية، لمنطقة جغرافية اكثر خصوصية وهو الاشكالية الاقليمية للهجرة، واللي كيعاني منها المغرب واسبانيا على حد سواء، واللي كيجعلهم بلدان عبور للمهاجرين اللي كيستقرو فالاتحاد الاوروبي.
واشار الكاتب الى ان سياسة محاربة الشبكات الاجرامية ديال التهجير، كيكلف المغرب الشيء الكثير من سياسته المالية، ومن اجل شراكة قوية فمجال محاربة الهجرة، خاص الارتكاز على اربعة نقاط هي، الوقاية من الهجرة فبلدان مصدرها يعني بلدان جنوب الصحراء، والتعاون مع بلدان المصدر وبلدان العبور، ومكافحة الشبكات الاجرامية دالتهجير، بالاضافة لتحسين إدارة الحدود.
وختم الشرعي بالقول، ان العلاقات بين المغرب قوية بزاف بغض النظر على شكون كيحكم، وبسباب هادشي خاصنا نتجاوزو الشكوك وقلة النية بيناتنا وسوء الفهم لي كانعانيو منو.