محمد سقراط-كود///
مول النصوصة شاب مغربي شبعان خبز حسب عائلتو والجيران القايد كان كيخدمو يتعاون مع السلطة من اجل فرض الحجر الصحي، داك اللعبة ديال يكون هو اللول يتلاح على الميزان ديال الخضارة وصحاب الديسير، و ينقز على الريدو ديال مول الحانوت يهبطو، ويجري على البراهش يطلعو ينعسو وكاع دوك التدخلات البطولية لرجال الداخلية لي موثقة بالفيديو، وحسب جيرانو نيت وواليديه كان أنه كان موعود باش يولي مقدم وراه كان خدام مع القايد والسلطة في الحومة كيعاونهم، وطبعا راه مكانش غير دايز ولقى أساتذة الكونطرا دايرين مسيرة وناض يجمع فيهم بالنصوصة حدا البوليس والمخازنية والقايد نيت ومعاه مقدمية وحدين خرين كانو خدامين نفس الخدمة معاه، كالسين يسلخو ويعتاقلو وفي اللخر طلع خونا شخص مجهول وشدوه وسيفطوه بعام ديال الحبس، السلطة لي جابتو لتم باش يسلخ هي لي شداتو وسيفطاتو بعام ديال الحبس.