أسماء غربي -كود//

مصيبة هاد الوقت أن شي عيالات مكيديروش حدود بين الخدمة وبين الأمور الخاصة، وهادشي لي وقع في افتتاح مطعم ديال الشاف السيمو البارح في كازا.

الشيخة شاكيرا طلعات تشطع والشاف، لي موحال واش سمح باحترام المرأة، هز مقدة وجالس بحالة كيقطع في لحم ويغوت “شاوارما”.

الشيخة لي جاها الأمر عادي بقات كتشطح، بلاما توقفو عند حدو وتفسرلو  أنها امراة، وانسان ملزوم عليه يحتارمها، وماشي يعاملها كلحم وشوارما.

الفيديو ديال الشطيح دار الصداع والناس لي كيعرفو قيمة المرا عبرو عن رفضهم للتصرف ديالو لي مكانش نهائيا في محلو.