مريكاني قتل 4 بجنوية وجرح 7 واحد فيهم حالتو صعيبة والبوليس شدو مول الفعلة
نجوى المالحي-كود//
البارح السبت، بزاف ديال المواطنين المغاربة والمشاهير والسياسيين والنشطاء، وغيرهم عبرو على مواقع التواصل الاجتماعي وغيرها على الرفض ديالهم واستنكارهم لإساءة الإعلام الجزائري لشخص الملك محمد السادس لي قدموه في برنامج “ويكاند ستوري” على قناة “الشروق” على شكل گينيول وحاولو يستهزؤو منو بطريقة بايخة مت ضحكات حد.
ومن بين الملايين ، كاين المغني الجزائري فوضيل لي عبر على رفضو لهاد الضحك الباسل وكتب في منشور حطو على حسابو في انستكَرام: “انا جزائري فرنسي ومغربي القلب وكنرفض هادشي لي دارو في حق الملك ديال المغرب. وبكل تواضع انا مثال حقيقي كيدل على ان المغرب كيستقبل ويحتاضن كلشي بلاما يدير حتى حكم على الناس”.
وزاد فوضيل: “علاش هاد الفتنة بين جوج جيران؟ خاصنا نكونو متاحدين كثر من هكا”.
كلمات فوضيل طاحت بحال العسل على قلوب المغاربة لي شكروه على صدق كلامو وعلى قول الحق.