وكالات //

علنات شركة السكك الحديدية الألمانية دويتشه بان ركاب الترانات غادي يبقاو ياخدو القهوة في كيسان ديال الطين عوض لبلاستيك باش يعاونو في الحد من الزبل.

الشركة قالت في بيان ليها أن الركاب غادي يكون عندهم حق الاختيار بين الطين ولا البروسلين مني يطلبو الماكلة ولا الشراب في الترانات.

وقالت الشركة أن هاد الكيسان وحتى الطباسل غادي يتقدمو فابور، وهي قابلة لإعادة الاستخدام، وحتى لبلاستيك غادي يكون متاح إلى طلبو لكليان.