وكالات//

علنات وزارة التجارة في السعودية، نهار الاثنين، أنها استدعات كثر من 33 ألف طوموبيل هاي كلاس، البعض منها كيملكوها مشاهير ونجوم؛ وهادشي بسباب واحد المشكل تقني يقدر يتسبب ليهم ف كسايد.

وقالت الوزارة، أن هاد الاستدعاء كيشمل 33350 ألف طوموبيل، بينهم كثر من 28 ألف طوموبيل من ماركة “لاند كروزر “Land Cruiser لي كتصنعها شركة تويوتا، وتقريبا خمسة آلاف طوموبيل من ماركة “لكزس”Lexus..

الوزارة السعودية وضحات أن السبب ديال هاد الاستدعاء راجع لواحد المشكل تقني فالفيتاس يقدر يتسبب في التحرك ديال الطوموبيل وبالتالي تكون معرضة لخطر الكسايد.

دابا كل هاد الناس خاصهم يرجعو طوموبيلاتهم للشركات باش يصلحوها ولا يديرو معاهم شي حل، مع العلم أن أقل وحدة فيهم شراوها بـ80 مليون سنتيم مغربية.