البي جي دي اتاهم الأحرار بتسخير السماسرية فالانتخابات الجزئية فدائرة فاس الجنوبية وكيطالب بخطة لتكريس الحياد الإيجابي
نجوى المالحي-كود//
هادي 7 اشهر، تم الاعلان الرسمي على موعد اطلاق قناة Mbc 5 في المغرب والدول المغاربية من بعد الجدل الكبير لي ناض، حيت هاد التجربة الجديدة جات باش تسوق صورة ولي عهد السعودية محمد بن سلمان المشوهة منذ قضية قتل الصحافي السعودي خاشقجي المعارض لنظامه فقنصلية السعودية باسطمبول التركية.
Mbc5 فالمغرب، عرضات على شي الصحافيين لي غادي يديرو خدمتهم ويغطيو الخبر اعلاميا كل واحد على حسب المنبر ديالو وخلطات معاهم تفاهة سميتها المؤثرين.
دابا اشمن تأثير وآشمن ميساج غادي يوصلو ناس معارفين والو على القناة او على الصحافة عامة… فرحانين غير حيت غاديين للبنان باش يشوفو احلام وراغب علامة.
السعودية باغا تنشر الجهل عن طريق الفن بmbc5.. ومحتاجة للطبالة والغياطة ديال المؤثرين يصفقو ليهم
والمضحك فالامر ان فاتي جمالي لي كتقدم راسها كممثلة غادية كمؤثرة مع طه ايسو وربيع صقلي واحسان بنعلوش. ولي دخل عندهم كيلقى غير التصاور والتصاور بلا حتى موضوع او خبر فالمستوى.
بن سلمان ولي خدامين معاه داخلين باش ينشرو التخلف عن طريق الفن، وباغيين يحسنو صورتو بفلوس البترول ولكن بالطريقة الخطأ.