25/04/2024 23:00
أخنوش على حصيلة الحكومة فـ 30 شهر: جد مشرفة ومرتاحين للمردودية والنتائج المحققة
نجوى المالحي-كود//
ليلى الحديوي حطات فيديوهات في انستكرام كتريني مع مدرب خاص دارت ليه الاشهار بعرام ديال الستوريات.
الفيديوهات كانت فيهم “بومادا صفرا” كيفما كيوصفوها بعض المتتبعين ديالها كتريني فيه من نيتها، لكن في واحد الوقت بان صدرها.
الانتقادات كانت كثيرة وراكم عارفين بعض المغاربة المكلخين والدواعش عيروها، وهادشي لي خلاها تمسح الستوريز قبل ما دوز عليهم 24 ساعة ويتمسحو بشكل اوتوماتيكي.
وهادي ماشي اول مرة تمسح فيهم الحديوي ستوريات قبل ما يكملو وقتهم ورد الفعل كيكون بعد الانتقادات الكبيرة لي كيوصلوها في الكونت لي فيهكثر من 2 مليون.
وغير هو هاد المرة على عكس المرات الاخرين، زادو فيه وبغاو ينتاقدو باش ينتاقدو. الواحد يتريني لابس كيف ما بغى، حنى ماشي فالسعودية.
