عمـر المزيـن – مكتب الرباط//

في أول خروج لها، بعد الانسحاب المفاجئ للمركزيات النقابية من الجلسة الحاسمة مع الحكومة لإنجاح الحوار الاجتماعي، قالت خديجة الزومي، المرأة القوية داخل نقابة الاتحاد العام للشغالين بالمغرب، الذراع النقابي ديال الاستقلال، أن “النقابات انسحبت من هاد الحوار حقاش مكان حتى شي عرض حكومي جديد كما كانوا يتوقعون”.

وأضافت الاستقلالية الزومي، في تصريح لـ”كود”، قائلة: “عيطو لينا ومني جينا مكانيش لا عرض لا والو ومنطقيا خاصو يعطينا شي حاجة جديدة وحنا سبق لينا انسحبنا من حوار مركزي ودبا جاو يناقشو معانا ما هو تقني والحكومة معندها حتى شي حاجة ومنين غادي تجيب هاد لفلوس والقانون المالية اللّي داز فيه زيرو فالحوار الاجتماعي وبالتالي كيكذبو على الناس وصافي”.

وزادت الزومي: “كنا ننتظر عرض جديد وقلنا كولشي خاصو يتقاد سواء قطاع العام او الخاص لكن تفاجئنا بمكاين لا عرض لا والو والمطالب ديالنا هي الزيادة ديال 600 درهم لجميع الموظفين والإعفاءات الضريبية خاصها توصل لـ6000 درهم والقطاع الخاص والعام يتزاد ليه، والحد الأدنى الصناعي خاصو يكون بحال الفلاحي والتغطية الاجتماعية والحرية النقابة خاصها تكون ودبا زولو علينا الدعم وخلاو كولشي كياكو لعصا”.