كود الرباط//
حددت وزارة التربية الوطنية عبر مصالحها الخارجية تاريخ 25 ماي 2019، كآخر آجل لادخال نقط الفرض الأخير. إجراء آخر يفرض عدم تمكن الاساتذة من إنهاء المقرر الدراسي.
فالظروف العادية كيلاقاو الأساتذة صعوبة باش يكملو المقرر فالوقت. أما دابا ومن بعد ما توقفت الدراسة من 4 مارس حتى لـ28 أبريل2019، كيفاش غادي يكملو المقرر، مانعرفت.
من هاذ الشي كامل قضية تأمين الزمن المدرسي غي مشجب كل واحد كيستغلوا لمصلحته في معارك الشد و الجذب التي لا تنتهي. فهاذ المعطيات الاساتذة كيسابقوا الزمن باش يساليو المقرر و يديرو الفوروض ويودخلو النقط لمسار.
شحال قراو التلاميذ، سؤال يحتاج لجواب مسؤول، وقضية الموسم الدراسي فالمغرب حتا هيا خاصها نقاش حيث الدراسة فالبوادي كتسالي مع بداية ماي.