كود كازا //
نشرت خلود البقالي تفاصيل مكاملة هاتفية دارت بينها وبين زوجها الصحافي المعتقل سليمان الريسوني. فهاد المكالمة طلب الصحافي من زوجتو ما تبقاش تزورو وباللي كيحتج على اللي كيتعرض ليه وعلى تصويرو عريان ونشر هاد الشي وعلى اللي جردو من روايتو ومذكراتو ونكر من بعد، وعلى اللي كيتجسس عليه.
الريسوني اعتبر هاد الشي تعذيب نفسي كيتمارس عليه٬ وطلب من زوجتو تمزق بطاقة الزيارة اللي كتسمح ليها باش تزور زوجها كما طلب منها ما تبقاش تجي للحبس وترد بالها لحالها ولولدهم هاشم. واكد ليها بللي هادا احتجاج من طرفو ضد هاد الافعال.
الزوجة اعتبرت هاد الشي تعذيب زوج كتعيشو الاسرة.