25/04/2024 05:00
مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”
سامي العلوي- گود كازا //
من فضيحة لفضيحة.. البارح عاينات “گود” العشرات ديال الطلبة واقفين قدام عمادة كلية العلوم القانونية والسياسية فسطات كيسولو على أوراق امتحانهم وعلى اللي تالفين ليهم سمياتهم في بحوث نهاية التكوين بسباب لاپليكاسيون لي تشرات ب20 مليون ورفض القسم الاقتصادي ديال الجامعة يدوزها.
الجديد هو ان 896 طالب وطالبة كيقراو في فصل واحد كلهم جابو زيرو، إيه زيرو، هاد الزيروات كيفسرو جوج حوايج يا إما 896 هما كوسالة، يا إما شي حاجة ماهياش فذاك لابليكاسيون والنقط.
فمقابل هاد الشي تكلمات “گود” مع عدد كبير من الطلبة لي كيقراو فالعام الثالث على ود سمياتهم مكينينش مع أساتذة فالبحوث واخا كانو فاللول عطاوهم اسماء أساتذتهم، ودابا الاساتذة قلبو عليهم قالو ليهم مكنعرفوكمش ومتوصلنا بوالو.
