كود سبور//

مشى الناخب الوطني وليد الركراكي اليوم الخميس لعند الوداد الرياضي بمركز محمد السادس لكرة القدم، قبل ماتش الفريق مع الهلال السعودي فربع نهائي كأس العالم للأندية.

وقام الناخب الوطني وليد الركراكي اللي سبق له درب الوداد الرياضي بزيارة مكونات الواك بمركز محمد السادس لكرة القدم، باش يموتيفي اللاعبين اللي اغلبهم كان دربهم العام اللي فات ملي كان شاد الفريق، وأيضا حمسهم وعبر على الدعم ديالو للطاقم التقني ديال الحمرا بقيادة صاحبو التونسي المهدي النفتي.

وكان وليد الركراكي البارح بمدينة طنجة وشارك بافتتاح كأس العالم للأندية فتيران طنجة الكبير، وشد الفريق اليوم للرباط باش يزور الوداد الرياضي اللي غيلعب مع الهلال السعودي السبت الجاي فالبطولة.