كود سبور//
كيف العادة ديالو الناخب الوطني وليد الركراكي حاول يبعد الضغط على اللاعبين ديال المنتخب الوطني المغربي من بعدما صبح الأخير واحد من أقوى المنتخبات فالعالم، وهادشي حيث صبح مرشح يربح كأس إفريقيا المقبلة، بعد إنجاز الوصول إلى نهائي كأس العالم 2022، وزاد زكاه ملي رباح البرازيل بنجومها فماتش أميكال.
وتحدث وليد الركراكي بعد ماتش المنتخب الوطني المغربي والبرازيل، البارح السبت، وقال على كأس إفريقيا: “حنا ملاعبينش على كأس إفريقيا غير مقصرين وفرحانين، كيفما قال بونو وصلنا لهنا ولكن ماعرفناش كيفاش”.
وصبح المنتخب الوطني المغربي من أبرز المرشحين الفوز بكأس إفريقيا المقبلة، وذلك بعدما أصبح يصارع كبار المنتخبات العالمية، وأكد بالفوز ديالو على منتخب البرازيل بلي بلوغو نصف نهائي كأس العالم 2022 بالبرازيل ماكانش زهر.
