اللي غادي لفرانسا لخميس وماشي لشي غراض مهم يؤجل رحلتو الجوية حتى الجمعة وها علاش
كود سبور//
عبر الناخب الوطني وليد الركراكي على الفرحة ديالو حيث حقق أول فوز له مع المنتخب الوطني المغربي وفاول ماتش واللي جاء على حساب المنتخب ديال الشيلي بهدفين لصفر فمواجهة ودية يوم الجمعة فاسبانيا، وأكد على أن ليكيب ناسيونال تابعها المزيد من العمل.
وقال وليد الركراكي فتصريح بعد نهاية الماتش أمام الشيلي: “كنشكر الجمهور اللي جاء ساندنا اليوم برافو عليهم واللي عجبني اليوم هو روح الفريق الدراري تقاتلو النتيجة ما كانتش ساهلة، منتخب الشيلي فريق فالمستوى وعندو التجربة جابو اللاعبين اللي ماكانوش فالي ماتش السابقين”.
— Équipe du Maroc (@EnMaroc) September 23, 2022
واكد الركراكي: “درنا عمل جيد ولكن هذا لا يعني شيء حيث مازال عندنا الخدمة المهم هي الروح والتركيز والرباح ومازال عندنا ماتش البراغواي”.
وعن العلاقة ديالو باللاعبين قال الركراكي: “عندي لعابا كيلعبو ففراقي كبار وفيومين فهموني شنو باغي، مازال عندنا الخدمة ويعرفو كثر السيستيم ديالي ومازال غنصلحو عدد من الأشياء”.