الرئيسية > كود سبور > الركراكي: الكابيتان ديال المنتخب هو سايس والمهم هو نقادو الفريق.. وعدم تواجد حمد الله فالمنتخب اختيار ديالي وليكيب ناسيونال كبر من كلشي
22/09/2022 20:00 كود سبور

الركراكي: الكابيتان ديال المنتخب هو سايس والمهم هو نقادو الفريق.. وعدم تواجد حمد الله فالمنتخب اختيار ديالي وليكيب ناسيونال كبر من كلشي

الركراكي: الكابيتان ديال المنتخب هو سايس والمهم هو نقادو الفريق.. وعدم تواجد حمد الله فالمنتخب اختيار ديالي وليكيب ناسيونال كبر من كلشي

كود سبور//

أكد الناخب الوطني وليد الركراكي أن الكابيتان المنتخب الوطني المغربي حاليا هو غانم سايس وهو اللي غيقود ليكيب ناسيونال أمام الشيلي والبراغواي، والأهم من كل ذلك هو الخدمة اللي كنديرو باش نوجدو الفريق المونديال.

وليد الركراكي كان واضح بخصوص قيادة المنتخب المغربي وقال: “الكابيتان هو غانم سايس وحتى واحد ما غيحيدها له، هو لاعب أساسي فليكيب كايلعب فبيشيكتاش التركي وهو عنصر أساسي فالكروب وغيعاوني فربح الوقت”.

وواصل الركراكي الحديث ديالو وقال: “مازال ماعرفتش شكون الكابيتان الثاني من بعد سايس، وباش كلشي يعرف راه ماعنديش الوقت اللي نفكر فهاذشي حيث كنخدم على التكتيك ديال المنتخب فالتيران، ملي غنراقب مزيان غنقرر شكون غيكون القائد الثاني وشكون غيلعب ضربات الجزاء ودابا الكابيتان هو سايس”.

وأكد الناخب الوطني وليد الركراكي أن عدم توجيه الدعوة لعبد الرزاق حمد الله مهاجم إتحاد جدة السعودي هو اختيار خاص به، وأن حمد الله أو أي لاعب لن يظلم فليكيب ناسيونال.

وضح وليد الركراكي من جديد السبب وراء عدم استدعاء عبد الرزاق حمد الله للمنتخب الوطني المغربي وأكد على انه اختيار وقال قبل ماتش الشيلي: “قلت لحمد الله 4 أشهر وانت موقف ابحث على حل، وقبل 3 أو 4  عن الاعلان على اللائحة، قدر حمد الله يوجد الحل ولعب ماتش مع إتحاد جدة دارو زيرو لزيرو، وحتى واحد ما تكلم حيث ما سجلش فهذاك الوقت”.

وزاد تحدث الركراكي على وضعية هداف إتحاد جدة السعودية ووضح: “انا قلت عدم استدعاء حمد الله هو اختيار، وقلت له هو يبقى خدام ويدير الضغط وماشي غير اللي ماركا غايمشي لكأس العالم، وأنا غندير الاختيار ديالي ويقدر يكون حمد الله ويقدر ما يكونش وكلشي فحال فحال وليكيب ناسيونال عمرها وقفت على شيحد”.

وأكد وليد الركراكي أن عبد الرزاق حمد الله ماغديش يتظلم، وغايعاونو وماعندوش مشكل معه من بعد التصريح اللي دار مؤخرا، والمهم هي المصلحة ديال المنتخب الوطني المغربي.

موضوعات أخرى

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟