الرئيسية > كود سبور > الركراكي: الشيلي منتخب كبير واختبار لنا قبل المونديال.. وزياش فرحان معانا وحرام لعاب فحالو يغيب على كأس العالم
22/09/2022 19:00 كود سبور

الركراكي: الشيلي منتخب كبير واختبار لنا قبل المونديال.. وزياش فرحان معانا وحرام لعاب فحالو يغيب على كأس العالم

الركراكي: الشيلي منتخب كبير واختبار لنا قبل المونديال.. وزياش فرحان معانا وحرام لعاب فحالو يغيب على كأس العالم

كود سبور//

أكد الناخب الوطني وليد الركراكي أن مواجهة المنتخب الوطني المغربي لمنتخب الشيلي يوم غدا الجمعة فماتش ودي فالصبليون، تعتبر اختبار حقيقي ليكيب ناسيونال قبل المونديال.

الركراكي أكد فندوة صحافية  قبل الماتش، على أن غياب منتخب الشيلي على كأس العالم المقبلة فقطر، لا ينقص من قيمته كمنتخب قوي، وهو غيكون محك حقيقي للمنتخب الوطني المغربي.

وكمل وليد الركراكي الحديث وقال: “عدم تأهل الشيلي لكأس العالم غيخلي اللاعبين ديالو يبينو على أنهم كيستحقو يكونو فالمونديال وغيوجدو لينا وهذه فرصة ليكيب ناسيونال باش نعرفو المستوى ديالنا”.

وقال الناخب الوطني وليد الركراكي أن عودة حكيم زياش نجم تشيلسي الانجليزي إلى المنتخب الوطني المغربي قدمت دفعة قوية ليكيب ناسيونال وشدد على انه حرام لعاب مثل زياش يغيب على كأس العالم.

واضاف: “حكيم زياش رجع فرحان المنتخب الوطني المغربي، وهو لعاب كبير وقلت الطاقم التقني ديالي فالتدريب انه حرام لعاب بحال حكيم زياش مايكونش فالمونديال فحالو فحال حكيمي فحال المزراوي”.

وزاد وليد الركراكي: “حكيم زياش لعاب كيمارس فمستوى عالي وغيعاونا بزاف، وملي جا للمعسكر وهو داخل فالكروب وهادشي كيموتيفينا وحنا خاصنا نعاونوه باش يعيطنا الاضافة فالتيران وجميع اللاعبين فحال فحال عندي”.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها