كود سبور//

مازال الرجاء كيقلب على حل مع الثنائي الأجنبي فالصفوف ديالو كاديما كبانغو وبني باديبانغا باش يفضي معاهم ويمشيو فحالهم من الفريق ويقدر يضيف أسماء أخرى فالميركاتو الصيفي.

مصادر مطلعة قالت على أن إدارة الرجاء الرياضي مازال كتحاول مع كل من الكونغوليين كابانغو وباديبانكا باش تلقى حل ودي معهم للانفصال بالتراضي بلا نزاعات بلا صداع الراس وهادشي لي مستعصي لحد الآن، بحيث أن اللاعبين كايطالبو بالمستحقات ديالهم كاملة وهي مبالغ مهمة وصعيب على النادي يمنحها ليهم فهاذ الظروف.

الثنائي الكونغولي ما باغيش يتنازل اللاعبين حطو الرجاء الرياضي أمام خيار واحد هو تأدية المستحقات ديالهم باش يمشيو أو الإبقاء عليهم فالفريق وهاذشي لي ما باغينوش الرجاويين، كابانغو وباديبانكا ليجاو للرجاء فالانتقالات الشتوية الماضية ما قدمو والو للفريق وسخط عليهم جمهور الرجاء.