كود أحمد الطيب//
قرر فريق الرجاء الرياضي طبع 30 ألف تذكر للماتش ديال الخضر مع شباب أطلس خنيفرة برسم ذهاب ربع نهائي كأس العرش، وهوالماتش لغادي اتلعب نهار الأحد بمركب محمد الخامس مع السابعة والنصف مساء.
الرجاء معولين على الحضور الكبير ديال الجماهير الرجاوية باش ادخلوا شوية ديال لفلوس، لتقدر تعونهم أنهم انقصوا من الأزمة ديالهم خصوصا أن اللاعبين كيتسالو منح ورواتب شهرية باقي متوصلوش بيها.
وغادي تكون مداخيل مهمة للرجاء في حال رجعوا الاترات للتشجيع بالمدرجات ديال الملعب، لأنهم قالوا أن المباراة المقبلة غادي تكون مناسبة باش ارجعوا للمدرجات وشجعوا الفرقة ديالهم.
وغادي تساهم النتائج لكيحققها الفريق الأخضر هاد العام في عودة الجماهير للمدرجات خصوصا أن الفريق قريب من التأهل لنصف نهائي كأس العرش، وقدر افوز بيه لأنه كيقدم مباريات كبيرة هاد العام، وباغي انافس حتى على اللقب ديال الدوري الاحترافي لكرة القدم.
