قرر المدرب الاسباني غاريدو التخلي عن خدمات اللاعب الإفريقي مومي لي كان ظاهرة في الموسم الماضي، هاد اللاعب دار ضجة بعدما رفض آسفي اتعاقد معاه، جابوه الرجاء، وسجل هدفين، وبدات الجماهير الرجاوي كتسخر من أمين بنهاشم مدرب آسفي، ولكن من بعد جوج مباريات مومي غبر مبقا دار حتى حاجة، ولا مدرب آسفي كيسخر من مسؤولي وجماهير الرجاء.

مومي بعد الفشل ديالو في الفرصة لعطاها ليه غاريدو، قرر هاد الأخير وضعوا في لائحة الانتقالات، وطلب من حسبان اجري عليه بصفة نهائية.

رئيس الرجاء لأنه معندو فلوس باش اخلص مومي كيقلب ليه على تخريجة باش افسخ معاه العقد، بلا فلوس، أو بشي ثمن قليل، خصوصا أنه مدار والو مع الرجاء.

وكان فاخر هو لأصر على التعاقد مع مومي، وقال أنه لاعب كبير، لكن من بعد بان بأن بنهاشم مدرب آسفي هو لكان على حق، مني رفض اتعاقد معاه لأنه عرف بأنه لاعب ضعيف.