خاص..الاتحاد ربح الحركة فرئاسة لجن العدل والتشريع وها علاش الاغلبية غاتصوت على باعزيز
أسماء غربي -كود//
جمال المغرب مكيصطيش غير الأجانب ولكن حتى المغاربة والوزراء لي كيتساراو المدن القريبة والبعيدة.
وعزيز الرباح وزير الطاقة والمعادن والتنمية المستدامة سطاتو وزان، وبان مستمتع فيها وفالنواحي ديالها.
وعلمت “كود” من مصدر مطلع أن رباح كان مع رئيس جماعة وزان عبد الحليم علاوي، والاخير لي عرض عليه وطلب منو يدير جولة ف مناطق زوينة باش يشجع على السياحة الداخلية. وحسب الصورة لي فيها الفطور هو فضاء منتزه بلوطة ضاحية وزان.
واستغل الوزير الخدمة باش يستمتع، ودار فيديو كيدوي فيه على جمال وزان، وحط تصاور كيتكسل ويتجبد فيهم.
“كود” سولات الرباح واش ولا كيدير اليوكَا باش ياخد الطاقة الإيجابية ويطرد كل ما هو سلبي، لكن جاوب أنه كيستمتع بالطبيعة بطريقتو بلا يوگا.
واستغل الوزير الفرصة باش يطلب من المغاربة يزورو مدن المغرب باش يعرفو السحر لي في البلاد.
واضاف وزير الطاقة: “كنقلب على الطاقة فالطبيعة ماشي فشي جهة أخرى”.