هناء ابو علي-كود//
قالت مواقع كَابونية ان الرئيس علي بونكو اويدمبا خرج اليوم من السبيطار العسكري ف الرباط و اتجه للاقامة ديالو الخاصة. و اضافت ان الاطباء المتتبعين لصحتو سمحو ليه من نهار الاربعا يخرج بعد انتهاء فترة النقاهة.
للاشارة كان الملك محمد السادس زارو ف السبيطار نهار الاثنين الفايت و دارو فيديو ساهم بزاف ف انهاء الاشاعات اللي انشترت بزاف ف الكابون على صحة الرايس اللي ف عمرو 59 عام و دارت ازمة سياسية ف البلاد.
نفس الصحف قالت ان الحكومة الكابونية كلها و قيادات عسكرية كثيرة كلهم ف المغرب كايديرو زيارات للرايس ديالهم.
