هند ابو علي – كود//

في اليوم العالمي للمرأة لي في 8 مارس ولي غادي يجي هاد العام بالجمعة، الراقصة مايا دارت عشية ديال الشطيح والرديح فيها غير العيالات.

الحفل تباعو لي تيكي ديالو كاملين، اي “صولد آوت”، وممنوع فيه التلفونات والتصاور، وغادي يكونو عيالات فالسيكوريتي باش يحضيو لا شي وحدة سخن عليها راسها وبدات تصور.

وحيت بزاف باغين يحضرو لمايا كتشطح، ناضو كيرغبوها وكيطلبوها، وقررات دير نهار 9 مارس حتى هو شطيح ورديح باش العيالات يفوجو على كَلبهم.