فدوى ديدوش-صحفية متدربة-كود//

حسب صحيفة المساء، تعرضات دواوير فمنطقة غفساي ضواحي اقليم تونات، لهجمات ديال الذياب، وولا الوضع مقلق والناس مخلوعة ومبقاتش كتقدر تتحرك بحرية خصوصا بالليل.

وهادشي راجع لتغيير المناخ على الحيوانات المحلية فمنطقة تاونات حيث من مور الجفاف وموجات الحر فالمغرب، الذياب مالقات ماتاكل فالغابة الشئ اللي خلاها تقرب كثر من المناطق السكنية على قبل الماء والماكلة بعيدا على الموطن ديالها الطبيعي.

وحسب نفس المصدر، الناس من بزاف ديال الدواور مبقاش عاجبها الوضع وولات كطالب تدخل السلطات.

وبحسب ما ورد، السكان بلغو على الخسائر الفادحة لمزارع الدجاج الخاصة بيهوم ، حيث كلاب الحراسة مقادراش تتعامل مع الذياب.

https://online.fliphtml5.com/ytsep/crll/