كود – كازا ///

قالت مواقع إخبارية، أن القنصل المغربي في دن بوش الهولندية، أحرضان بو طاهر  مات، نهار الجمعة الفايتة، بعد معاناة طويلة مع مرض ما نفع معاه علاج، وخلى من وراه زوجة و2 ديال الأبناء.

وأضافت التقارير ذاتها، أن الدبلوماسي المغربي، أحرضان بو طاهر، اللي شغل سابقا منصب القنصل العام للمغرب في وهران، سبق ليه أثار أزمة مع نظام الكابرانات ف عام كورونا بعد ما وصفهم بالبلد العدو خلال لقاء مع مواطنين مغاربة عالقين.

وأثارت التصريحات ديال أحرضان بو طاهر، ف ماي 2020، واللي كانت موثقة، جدل دبلوماسي، بسباب العبارة اللي تلفظ بيها قدام مواطنيه. الدبلوماسي الراحل قال ليهم بالحرف: “راكم عارفين شنو كاين حنا في بلاد عدوة”، في إشارة إلى العلاقات المضطربة بين الرباط والجزائر.