كود علي الصافي ///

هاجم الداهي اكاي رئيس جمعية مفقودي البوليساريو عناصر خرجات ففيديو كتحرض الصحراويين للي عندهم الجنسية الاسبانية يحرقو بطاقات العضوية فالحزب الاشتراكي الاسباني كنوع من الرد على قرار حكومة سانشيث الاعتراف بمغربية الصحراء في رسالة بعثها الى الملك محمد السادس هادي يومين.

وقال اكاي “نعرف ياسر من دوك الصحراويين اللي عندهم الجنسية الاسبانية” واضاف بللي “مزورين لوراق” وذكر اكاي انو سبق ان راسل الدولة الاسبانية فهاد الموضوع

اكاي قال ان هؤلاء “اغلبيتهم من تندوف والموريتان” ومناطق اخرى.

واكد ان الطريقة اللي زورو بيها هادو لوراق باش ياخدو الجنسية الاسبانية هي نفس الطريقة اللي كتزور بيها البوليساريو السكان وكتتكلم زورا باللي هي ممثل الشعب الصحراوي. واكد اكاي ان 85 بالمائة من سكان تندوف هم جزائريون من اصول صحراوية ما عندهم علاقة بارض النزاع.

دور الجزائر اساسي فهاد القضية يوضح اكاي٬ وسحب الجزائر لسفيرها من مدريد كيؤكد انها “العنصر الاساسي فالنزاع الموجود فالصحراء لغربية/ المغربية. وزاد موضحا “الخلاف كان موجود ديما على حرف الميم مه الجزائر. هما يقولو الغربية وحنا نقولو المغربية