الرئيسية > آش واقع > الداهي اكاي لرمضان مسعود: انت غير وصلتي الخبز للفران وكاينين غير 3 اللي عذبهم ابراهيم غالي وعصابتو اللي هما حنا وها فين وصلات القضية وها علاقة الحضرمي بهاد الشي
23/05/2019 09:52 آش واقع

الداهي اكاي لرمضان مسعود: انت غير وصلتي الخبز للفران وكاينين غير 3 اللي عذبهم ابراهيم غالي وعصابتو اللي هما حنا وها فين وصلات القضية وها علاقة الحضرمي بهاد الشي

الداهي اكاي لرمضان مسعود: انت غير وصلتي الخبز للفران وكاينين غير 3 اللي عذبهم ابراهيم غالي وعصابتو اللي هما حنا وها فين وصلات القضية وها علاقة الحضرمي بهاد الشي

كود علي الصافي ///

قال الداهي اكاي احد ضحايا التعذيب فمخيمات تندوف انه بالفعل رفع دعوة ضد جلادي البوليساريو باسم جمعية الجمعية الصحراوية للدفاع عن حقوق الانسان اللي كيرأسها رمضان مسعود. واكد في تصريحه ل”كود” “هو يعرف باللي البوليساريو ما تخاف منو ولا دايرة ليه اعتبار. خاصو يفهم باللي مكانتو فالمجتمع الصحراوي غير مكاتنا. على هاد القبال البوليساريو كتخاف منا”

واضاف في توضيح له على تصريحات رمضان ل”كود” “فعلا دفعنا الشكاية باسم الجمعية ف2007 لانها جمعية اسبانية وجاو المحامين للعيون وتلاقاو الضحايا وف2012 استدعانا قاضي المحكمة العليا يتعلق الامر بالحسين بيدا والداهي اكاي وسعداني ماء العينين” يشرح اكاي ل”كود”.

اكاي اوضح دعما لروايته في تصريحه ل”كود” “كلسنا مع القاضي وقال لي اش نا هو دليلك على حبس الجبهة ليك وتعذيبك؟ مديتو بتقرير للمخابرات الاسبانية سنة 1975. بعد ذلك دار لينا الخبرة الطبية وبالفعل قرر القاضي فتح القضية. فيها غير حنا ب3 مع الجمعية ورمضان ما كاينش فيها.

اكاي رد على رمضان اللي قال انو رافع الدعوة٬ وقال ل”كود” الجمعية هزات الخبز للفران وصافي. هما هما الضحايا. سولوه واش كلس مع القاضي ولا حتى دخل للمحكمة”.

واضاف في انتقاده لرمضان “هو فشهر كتب رسالتين للمحكمة وردات عليه باللي الضحايا هما اللي عندهم الحق يسحبو الشكاية. حنا اللي غاديين نوقفو ضد الجلادين”

كما اكد ل”كود” ان اجراءات الشكاية ضد قادة البوليساريو “درناها عند موثق وباللي حنا للي كلفنا محامي ماشي رمضان مسعود اللي غير وقع معانا باسم الجمعية”.

وعليه تقرر متابعة كلا من ابراهيم غالي والراحل المحفوظ علي بيبا والبشير مصطفى السيد والبطل سيد احمد. هادو متابعهم الداهي وكاينين متابعة اخرين.

الداهي قال ل”كود” ان الخلافات مع رمضان مسعود ومع جهات من الدولة المغربية بدات بعد ما جبدنا باللي غاديين نقاضيو عمر الحضرمي لانو جلاد كبير”

بخصوص مآل القضية اليوم قال اكاي بعد عودته من مدريد “لجأنا الى اعلى سلطة قضائية في اسبانيا: الوكيل العام للمملكة الاسبانية ورئيس المجلس الاعلى للسلطة القضائية. فهاد الرسالة المدعومة بادلة على تعرضنا وتعرض غيرنا للتعذيب وجههناها ليهم فيها امور: منها باللي الجلادين مازال كيقودو المفاوضات بحال حالة ابراهيم غالي =فقضية الصحراء مع المغرب= وباللي الجلادين كيدخلو ويخرجو من اسبانيا بحال البطل سيد احمد وغيرو وخاص القبض عليهم.

وكان القاضي المكلف بالقضية قد منح سنة كاملة للتحقيق فهاد الملف

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 12:45

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو