أخنوش فالبرلمان على أزمة الماء: وجدنا حلول مبتكرة لتنويع مصادر الموارد المائية منها استغلال مياه البحر
كود – وكالات//
باسبور كورونا ولا حقيقة فالدانيمارك، بحيث اعتمدات البلاد، اليوم الثلاثاء تطبيق جديد سميتو “Coronapas” كيسمح بمعرفة معلومات مهمة على المستعمل، قبل ما يدخلو لقهوة، او مطعم، او شركة، او مدرسة، او غيرها.
هذ التطبيق كيتعتبر مفتاح إعادة الفتح التدريجي للبلاد إلى متم ماي الجاي، وكيعطي الباسبور إمكانية تهزو معاك حتى على شكل ورقي.
وكيعطي الباسبور معلومات على واش المستخدم مريض بالفيروس، أو يالاه تقاس هذي جوج سيمانات بنتائج تحليلة ايجابية، او عندو تحليلة سلبية هذي 72 ساعة، أو ملقح بالجرعات الموصى بها.
ومازال ما تم اعتماد هذ الباسبور للسفر، لكن الحكومة الدانيماركية كتخطط لهذشي.
وهذ الباسبور هو الأول من نوعو، والمفوضية الاوروبية حتى هي خدامة باش تدير “بطاقة خضراء” من هذ القبيل.