كود – كازا ///

قالت وزارة الداخلية الإسبانية ف مذكرة جوابية على سؤال كتابي ديال حزب إي إتش بيلدو على ظروف توقيف الحراگة المغاربة في سبتة، أن هاد الحراگة فعلا كيتم احتجازهم ف كونطونير مجهز بدورات مياه ومساحتو 28 متر كاري، باش يكونو “محميين من سوء الأحوال الجوية” ف انتظار إعادتهم سريعا إلى بلدهم الأصلي.

وأضاف المصدر ذاته، أن هاد الحراگة كيتسلمو الما والماكلة ويتم تزويدهم بملابس جافة، وإذا لزم الأمر، كيستافدو من عناية طبية ديال الصليب الأحمر، وإذا اقتضت ظروفهم الصحية، يتم نقلهم إلى المستشفى الجامعي ديال مدينة سبتة.

وقالت الداخلية الاإسبانية، إن الحراگة المغاربة كيطبق عليهم  بروتوكول العودة السريعة، حيث يتم إرسال إخطار فوري إلى السلطات المغربية، لمباشرة ترتيبات عودة المهاجرين وهذاك الشي علاش الحراگة كيبقاو ف هاد الكونطونير غير ساعات قليلة..