مصطفى الشاذلي – كود سبور//

ياسين الخروبي، حارس الوداد البيضاوي، دافع على راسو، بعدما تسبب فأخطاء كارثية فكلاسيكو الجيش الملكي نهار الثلاثاء الماضي، وخسر فريقو بثلاثة لواحد.

الخروبي خرج بتدوينة أكد فيها بلي ما كانش واجد لهاد الماتش، حيت كان مريض وما تخبر بلي غادي يطاكي إلا قبل 4 ساعات فقط، وأكد “ما كنتش واجد ما خبرونيش بكري، وهاد الماتش غادي يبقى الأسوأ فالكاريير ديالي”.

تدوينة الخروبي، لي وجهها لجمهور الودادي، ونشرها عبر حسابه الشخصي في “انستگرام”، أكد فيها أن عاش ليلة حزينة من بعد الماتش، وما غاديش ينسى هاد اليوم، لأنه لم يكن مستعدا وكان كايعاني من ضربة خايبة، لي تعرض لها قبل 3 أسابيع.

View this post on Instagram

Cest avec emotions que je m'adresse a vous. C'etais une Triste soirée pour le peuple wydadi mais celui qui en a plus souffert c'est moi. J'aimerais expliquer les choses. Cela fait 3 semaines que je suis blessé a l'adducteur j'étais pas prêt pour jouer le match et on ma prévenu 4h avant le match que j'allais jouer et qu'il n'y avait pas le choix sinon le club perdait automatiquement le match, car Reda était blesser et le jeune gardien Taha etait suspendu. En voulant rendre service au club par amour tous c'est fini en cauchemar. C'est le match le plus catastrophique que j'ai fais durant toute ma carrière. Je ne cherche pas d'excuses mais il fallait clarifier les choses. Merci a tous pour vos message de soutient. Tomber et se relever est une vertu.

A post shared by yassine el kharroubi officiel (@yassine_el_kharroubi_officiel) on Sep 27, 2019 at 1:10pm PDT

الخروبي قدم رسالة اعتذار لجمهور الوداد البيضاوي، واعترف أنه كون ما لعبش هاد الماتش واخا مضروب كون الوداد خسر الماتش فورفي، لأن رضا التكناوتي مضروب وطه مريد عندو الحمرا، وما يمكنش ليه يلعب الماتش.

واكد الخروبي أنه قرر يوضح الأمور للجمهور الودادي، كما هي ما شي باش يقدم الأعذار على الأخطاء لي ارتكب.

ورغم معاناته النفسية، إلا أن الخروبي شكر جمهور الوداد على دعمه ومؤازرته، مؤكدا أن السقوط سنة الحياة في بعض الأحيان، وأن النهوض مجددا بعد فضيلة.

.