الرئيسية > آراء > الحوار الاطلسي فمراكش. واش ممكن يفكرو لينا شراف انتهت مدة صلاحيتهم فدولهم فالمستقبل. بوليسي سانتر مشى عند الشراف والتراب كيقلب على مخاخ الغد من كاع الدول
17/12/2018 10:05 آراء

الحوار الاطلسي فمراكش. واش ممكن يفكرو لينا شراف انتهت مدة صلاحيتهم فدولهم فالمستقبل. بوليسي سانتر مشى عند الشراف والتراب كيقلب على مخاخ الغد من كاع الدول

الحوار الاطلسي فمراكش. واش ممكن يفكرو لينا شراف انتهت مدة صلاحيتهم فدولهم فالمستقبل. بوليسي سانتر مشى عند الشراف والتراب كيقلب على مخاخ الغد من كاع الدول

كود مراكش ////

السبت اللي فات سالات الدورة 7 من ندوة “حوارات اطلسية اللي كيديرها المكتب الشريف للفوسفاط وكيشرف عليها كريم العيناوي مدير مركز الدراسات من ال الجنوب الجديد. هاد الدورة اللي بدات من لخميس حتى السبت جابت ناس كثار كيفكرو فالحوار الاطلسي. غير هما جابت شي وحدين فاتهم التران. اييه كانت عندهم مناصب فبلادهم بحال مادرلين اولبرايت ومدير المخابرات البريطانية السابق ومحمد بنعيسي ديال الخارجية وعمرو موسى بحالو فمصر وموراتينوس وزير خارجية اسبانيا…… ولكن هادو فاتهم التران ولاو من الماضي. خاصهم يمشيو يديوها فصحتهم.

واش اللي ما بقاش مسؤول اكثر من عشر سنين غادي يقدر ينظر ليك للمستقبل اش هاد الخوار. راه اللي شارفين ما يمكنش يفكرو فالمستقبل اللي غادي يطغى عليه الذكاء الصناعي والتكنلوجيا بشكل كبير.

هاد المركز جاب كذلك فئة مزيانة من المثقفين. ماشي كلهم قافزين. جاب بونيفاس من فرانسا مثلا والشرقاوي من المغرب ناس كيديرو البحث العلمي بصاح ولكن حضرو شي فئة من لمغاربة كيدخلو راسهم ففئة البحث العلمي وضعاف بزاف. كاينة فئة اخرى بحال اسية العلوي هاديك السفيرة المتجولة اللي دارت هدرة كتبين تخلفها حول المغاربة اللي عايشين فاوربا. هاد السيدة علاش كيجيبوها راه هدرتها احتقار للمغربي. كتقول باللي المغربي اللي مشى لاوربا =الجيل الاول= ما كانش مسلح وامي وشي سبان اخر فيه. غباء هاد السيدة كتعتاقد ان الثقافة العالمة هي الثقافة وما دونها ماشي ثقافة. راه هاداك الامي الجاهل اكثر تجدرا فالثقافة المغربية منك. الدليل انو بعد ازيد من اربعة اجيال بقاو مغاربة فطريقة عيشهم فعقلهم وكيدفعو ولادهم مثلا يلعبو للمنتخب المغربي لكرة القدم علي الدولة اللي عاشو فيها. هادوك حماو ولادهم من التطرف. مشكلة الاندماج يا لالة الفاهيمة مشكلة الدولة المستضيفة اللي كيدافعي عليها ماشي مشكلة حصرية يتحملها هاداك المهاجر.

الحاصول كانت جلسات ضعيفة بحال الثقافة وكانت جلسات مزيانة ولكن على العموم كان كتسود طاقة سلبية فهاد الاجتماع باش تشوف ناس كبار فالسن.

عكس هاد التوجه الرئيس المدير العام للمجمع الشريف للفوسفاط مصطفى التراب اختار رهان اخر. اختار الشباب. هادي سنوات دار تجربة غير مسبوقة. كل عام كيجيب قرابة 30 شاب قل من 35 عام ولكن خاصهم يكونو قراية بزاف قافزين بزاف طيارات. كاين اللي خارج من هارفرد وكاين اللي دار مشاريع كيتسوى لملاير. هاد الناس كيجيو كيدورو فالمنجم فالشركات فالجرف الاصفر بالادارة فجامعة محمد السادس ببنكرير فالمدرسة القافزة 13/37 بخريبكة وفالاخير كيدير معاهم لقاء. هما كيقولو كيفاش جاهم الفوسفاط واش من اقتراحات كيديروها والمغرب كيستافد سفرا صحاح بزاف فالمستقبل. دابا وصلو 300 شاب وهاد الشي ف7 سنين من 25 دولة. التراب قال ان الهدف الف شاب.

تصورو ان المغرب غادي يكون عندو الف محامي صحيح بزاف بزاف فالعالم. من افريقيا كاينين بزاف وفيهم شباب من الدول اللي عندها معاها مشاكل بحال جنوب افريقيا ونيجيريا واثيوبيا . هادو على ابعد تقدير ف5 سنين الجاية غاديين يكونو اما باطرونات كبار فبلادهم او وزراء او مدراء مؤسسات عمومية. صوت المغرب غادي يدخل لمفاصل تلك الدول.

هاد الديبلوماسية الموازية ديال الصح. حقيقة ان الفوسفاط كيخلي قراية كثار فالعالم كيحلمو يخدمو فيه ولكن باش طيح عليه فكرة وطبقها خاصك تكون مسكون ومؤامن بالمستقبل بحال التراب.

التراب كيشوف للمستقبل وهادوك لخراين اللي كانو كينظرو عقلهم فالماضي وما يمكنش يشوفو للمستقبل. التران فاتهم.

موضوعات أخرى

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 20:30

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات

28/03/2024 20:00

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف