هشام أعناجي كود الرباط//

كشفت مصادر مسؤولة لـ”كود” بأن فرقة أمنية خاصة ستحل بسوس مساء اليوم الأربعاء 10 يوليوز الجاري، خصوصا بمدن انزكان وايت ملول وتارودانت وهوارة وأكادير، باش تشرف على عمليات أمنية ميدانيا.

وحسب ذات المصادر فإن الادارة العامة للأمن الوطني، عيطات للمسؤولين الأمنيين لي ف جهة سوس ماسة، لواحد اجتماع وصف بـ”الطارئ” حول الوضعية الأمنية بسوس.

ووفق المصادر نفسها، عبد اللطيف الحموشي المدير العام للأمن الوطني، لي ترأس اجتماع مع المسؤولين الأمنيين، هضر فيه على الوضع الأمني، من جميع النواحي، وطبعا الحكامة أهم حاجة ركز عليها الحموشي.

الحموشي استجب لبعض مطالب ساكنة سوس لي كتعاني من تردي الأوضاع الأمنية، وصافط فرقة خاصة، طبعا غادير خدمة نقية لأن الحموشي واقف على هاد الشغل، يقول مصدر مطلع.

مهم تغييرات جديدة غادي تحصل ف عدة مناطق أمنية بسوس.

الحموشي عطا أوامر للمسؤولين الأميين يديرو مجهودات فهاد السياق باش أكادير تكون رائدة امنيا وبالتالي غايخلي السياحة تنتعش أفضل.

دبا كاين استنفار على مستوى ولاية امن اكادير.. كولشي خايف على بلاصتو.