عمـر المزيـن – مكتب الرباط//

أطلق حزب التجمع الوطني للأحرار مبادرة أطلق عليها برنامج “100 مدينة”. هاد المبادرة بدات الأسبوع الماضي من مدينة دمنات بحضور المئات من المشاركين، وأغلبهم شباب.

رئيس حزب “الحمامة”، عزيز أخنوش قال في كلمة له بهاد المناسبة أن هاد البرنامج جاء للإنصات إلى المواطنين للتعرف على الأولويات ديالهم، وكيفاش كيشوفو المستقبل ديال المناطق فيه عايشين، سيما في ما يتعلق بالتعليم والصحة والشغل، وغيرها.

وأبرز أخوش أن هاد البرنامج غادي يشمل 100 مدينة مغربية، وخاصة اللي كاينة فالعالم القروي وكتعاني من مجموعة من المشاكل، مشيرا في نفس السياق أن هاد البرنامج الأول من نوعه غادي يمتد حتى لشهر يونيو من السنة 2020.

أخنوش قال فهاد اللقاء أنه معندوش مشكل في إطلاق هاد المبادرة من قبل الأحزاب السياسية الأخرى المنافسة لحزبه، وأضاف: معندناش مشكل فهادشي حقاش الأمر يتعلق بمصلحة المواطنين والوطن”. وكشف أن حزبه غادي يكون كل سبت ف3 مدن.

وأوضح أخنوش أنه من خلال هاد المبادرة مباغيش حزبو يربح شي صوت الصناديق، في إشارة واضحة منه للجهات اللي كتقول أن السيد كيدير حملات انتخابية سابقة لأوانها. وأوضح أن ما يهمه هو الفوز بصوت المواطنين وأن الانتخابات مزال بعيدة، داعيا الأحزاب باش تنزل للميدان وتسمع للمواطنين.