كود الرباط//

فضيحة أخرى لدول الخليج، والسبب استمرار التعامل السيء من طرف إدارات هاد الدول والاقصاء ضد المرأة المغربية، حيث تم اليوم منع عاملتين مغربيتين ف منظمة اوكسفام من الدخول إلى الأردن والسبب “غياب المحرم”.

وقالت اسماء فاخوري، ناشطة مغربية، في تدوينة فايسبوكية مطولة “”من غير المعقول انني ما نمشيش الأردن ومصر في إطار العمل ديالي حيت كاين شي واحد في هاد البلدان قرر أن أي مغربية دون 35 سنة مشروع عاهرة في بلادو.”.

وأضافت فاخوري “من العيب والعار أن خارجيتنا في المغرب تقبل علينا حنا النساء هاد الحكرة من سفارات و قنصليات الأردن ومصر”.

وحكت فاخوري أنه “منذ دجنبر اللي فات، ما حضرتش للقاء مهم في مصر حيت السفارة رفضت تعطيني الفيزا (كنشكر جميع الأصدقاء و الصحافيين اللي ساندوني و حاولوا جاهدين يحلو هاد المشكل) و بالتالي ضعت في فلوس الطيارة والفندق وحتى فلوس التسجيل في المؤتمر اللي وصلوا لأكثر من 8 ديال المليون” .
وتابعت ” الأهم من هاد شي كامل ما قدرتش نقدم المشروع اللي كنخدم عليه للمشاركين من جميع دول العالم”.  وأوضحت :”حشمت نكتب إعتذار كنشرح فيه أن سبب رفض التأشيرة هو انني مغربية بلا رجل عندها أقل من 35 سنة و كيعتبروني اشقائنا في قنصلية مصر تهديد على تقاليد و أخلاق المصريين”، مضيفة :”تجربتي مع سفارة وشرطة الأردن في المطار ديما فيها شي حاجة جديدة”.

وتابعت المتحدثة :” معايا في منظمة أكسفام زميلتين وصديقتين Mounia Semlali و Kamilia Raouyane رفضوا يعطوهم الفيزا للأردن و ممكن ما يحضروش لتدريب مهم على النوع الإجتماعي والعنف الممارس على المرأة (سخرية القدر).
حيت أنا أمتإكدة أن كاين بزاف ديال النساء المغربية اللي حسو بلحكرة والإهانة بش ياخدوا الفيزا لشي دولة عربية شقيقة… وقررت الناشطات المغربيات تنظيم  وقفة قدام سفارة الاردن.