عفراء علوي محمدي- كود//
علنات وزارة الصحة على تسجيل 77 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع لـ9074.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة طنجة تطوان هي اللي سجلات اكبر عدد ديال الإصابات اليوم (28)، بعدها الرباط سلا ب19 حالة، وكازا سطات ب18، بعدها جهة مراكش آسفي ب7 حالات، وفاس مكناس 2، وحالة وحدة فكل من الجهة الشرقية وجهة بني ملال خنيفرة وجهة كَلميم وادنون وجهة العيون الساقية الحمرا.
وتسجلات 48 حالة شفاء اليوم، ووصل المجموع لـ8041، بنسبة تعافي ديال 88,6 فالمية.
وما تسجلات حتى وفاة، وهكذا استقر الطوطال فـ213، بنسبة إماتة ديال 2,3 فالمية.
وتكتشفات 68 اصابة اليوم عن طريق تتبع المخالطين، أي بنسبة 88 فالمية، وهكذا وصل المجموع ديالهم لـ52413، و4063 مازالين تحت المراقبة.
ووصل مجموع الحالات المستبعدة لـ479873 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: