الرئيسية > آش واقع > الحصيلة الوبائية لفيروس كورونا فهاد 24 ساعة: 121 تصابو و97 تشافاو وواخد مات.. الطوطال: 7332 وغير اليوم دارت أكثر من 10 آلاف تحليلة وجهة كازا بوحدهها سجلات 88 حالة
22/05/2020 16:30 آش واقع

الحصيلة الوبائية لفيروس كورونا فهاد 24 ساعة: 121 تصابو و97 تشافاو وواخد مات.. الطوطال: 7332 وغير اليوم دارت أكثر من 10 آلاف تحليلة وجهة كازا بوحدهها سجلات 88 حالة

الحصيلة الوبائية لفيروس كورونا فهاد 24 ساعة: 121 تصابو و97 تشافاو وواخد مات.. الطوطال: 7332 وغير اليوم دارت أكثر من 10 آلاف تحليلة وجهة كازا بوحدهها سجلات 88 حالة

عفراء علوي محمدي- كود//

اعلن محمد اليوبي، مدير مديرية الأوبئة ومحاربة الأمراض، على تسجيل 121 إصابة جديدة بفيروس كورونا المستجد فهاد 24 ساعة الأخيرة، يعني من 4 دالعشية لبارح الخميس حتى للربعة دالعشية اليوم الجمعة، ووصل عدد المصابين فالمجموع لـ7332.

من هاد الحالات الجديدة، قال اليوبي، فالندوة اليومية للترصد الوبائي لفيروس كورونا المستجد، أن 85 فالمية منها تكتاشفات عن طريق عملية تتبع المخالطين، أي تحديدا 102 حالة، ومنذ بداية الوباء وصل عدد المخالطين اللي تم التتبع ديالهم لـ40574.

وكشف اليوبي أن أكبر عدد ديال الإصابات اليوم تسجل فجهة كازا سطات، بوحدها فيها 88 حالة، بينما تسجلات إصابات اخرى فجهة طنجة تطوان الحسيمة، وإصابات قليلة ومتفرقة فجهات أخرى، باستثناء جهات درعة تافيلالت والجهة الشرقية وجهة بني ملال خنيفرة وكَلميم وادنون والداخلة واد الذهب والعيون والساقية الحمرة اللي ماسجلات حتى إصابة.

وارتفع اليوم عدد التحاليل لاكثر من 10 آلاف تحليلة، وتم استبعاد 10284 حالة كان مشتبه إصابتها بالفيروس غير اليوم، وبلغ عدد الحالات المستبعدة فالمحموع 116070.

واليوم تسجلات، وفات وحدة، وبلغ العدد فالمجموع 197، ونسبة الإماتة استقرات ف2,7 فالمية.

بالنسبة لحالات الشفاء، تسجلات 97 حالة إضافية، ووصل عدد المتعافين فالطوطال لـ4277، بنسبة شفاء ارتفعات لـ59,7 فالمية.

وبالنسبة لمؤشر انتشار الوباء، أكد اليوبي أنه تحدد ف0,81، لكن حذر من أن المؤشر كيبقى مرتفع فبعض الجهات اللي كتعرف ارتفاع حالات الإصابة، بحال كازا سطات اللي المؤشر فيها واصل لـ1,11، ومراكش آسفي (0,92) وطنجة تطوان الحسيمة (0,89).

ووصى اليوبي بمزيد من الحذر، والالتزام باجراءات التباعد الاجتماعي، وضوابط النظافة باش يتقلص عدد الحالات ونخرجو من الأزمة.

وهذا توزيع الإصابة بكورونا فالجهات بالنسبة المئوية:

موضوعات أخرى

29/03/2024 15:41

نشرة إنذارية حمرة: الشتا قوية جاية غادي تواصل لـ130 ملم والرياح واصلة لـ95 كلم فالساعة

29/03/2024 15:31

قضية مضيان والمنصوري معلكة وصعيبة تفك..العشا فدار حمدي ولد الرشيد بحضور قياديين فالاستقلال مخرجش بنتيجة

29/03/2024 15:20

مقترح قانون لـ”حل” مندوبية التخطيط وإحداث الوكالة الوطنية للإحصاء والمعلومات

29/03/2024 15:00

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها