فدوى ديدوش-صحفية متدربة-كود//
حسب موقع “i24NEWS” , القوات المسلحة الأوكرانية قدرات ترجع حوالي 770 ميلا مربعا من الأراضي ديالها اللي خدات روسيا، بما فيها فاسيلينكوفو وأرتيميفكا في منطقة خاركيف كيفما جا على لسان الرئيس زيلينسكي في خطابه المسائي يوم السبت.
وحسب نفس المصدر، ذكر مسؤول أوكراني أن قوات كييف كتقدّم باتّجاه مدينة ليسيتشانسك اللي سيطرات عليها القوات الروسية بعد معارك شرسة بالمدفعية فيوليو.
وفالمقابل، موسكو خرجات نهار السبت بإعلان كتقول فيه على انها غتسحب القوات ديالها من منطقة خاركيف فاشرق أوكرانيا بسبب جهود الدفاع الإقليمي لخاركيف والقوات المسلحة الأوكرانية.
وزارة الدفاع الروسية علنات السبت أنها غتجمع القوات ديالها من منطقتي بالاكليا وايزيوم باش دعم الجهود على الجبهة فادونيتكس اللي كتشهد معركة صعيبة بين القوتين الروسية والأوكرانية.
وكيتوقعو المراقبون أن القوات الأوكرانية غتعلن انتصارات جديدة في منطقة خاركيف المحاذية لروسيا والتي سيطر عليها الجيش الروسي أو قصفها بالمدفعية على مدى شهور.