نجوى المالحي-كود//
فرانسا بدات كترفع الحجر الصحي تدريجيا في بزاف ديال المدن، لكن سعد لمجرد لي ساكن في العاصمة باريس باقي كَالس في الدار وملتازم بالتدابير الوقائية وفي نفس الوقت مدوز الوقت مع القطة ديالو.
البارح حط فيديو مونطاج مع القطة ديالو لي سميتها “مون” ولي كتبرزطو ملي كيبغي يغني أو يدير الموسيقى باش يحطها في الصفحات ديالو.
الفيديو لي أكد سعد لمجرد كثر من مرة أنه ترفيهي فقط، كيبان فيه أنه انتقم منو ومن صداعو وقتلو قبل ما يوعى ويدير بناقص.
في 24 ساعة الفيديو تشاف كثر من 200 ألف مرة وناس كثيرة بينهم مشاهير تفاعلو معاه.